siyasa:- tambuwal ya kammala shirye shiryen komawa PDP

Tambuwal Ya Kammala Shirye shiryen Komawa PDP Muktari Shehu Shagari Ya Fito Takarar Kujerar Gwamnan Sokoto ___¥___ * Rahotanni sun nuna cewa, Gwamnan Jihar Sokoto, Aminu Tambuwal na shirin ficewa daga jam’iyyar APC ya koma jam’iyyar adawa ta PDP.

Wata majiya ta shaidawa jaridar ” New Telegraph” cewa ana sa ran daga yau Alhamis zuwa ranar Lahadi mai zuwa, Gwamnan zai bayar da sanarwar ficewa daga APC kamar yadda takwararsa na jihar Binuwai, Samuel Ortom ya koma PDP a jiya Laraba. Tsohon Ministan Albarkatun ruwa kuma dan tsohon Shugaban kasa, Alhaji Muktari Shehu Shagari ya fito takarar kujerar Gwamnan jihar Sokoto a karkashin tutar jam’iyyar PDP. Da yake bayyana aniyarsa na takarar, Muktari Shagari ya nuna cewa zai mayar da hankali ne kan bangarorin da ke bukatar cikakken kulawa kamar harkar kiwon lafiya, noma da kuma ci gaban mata da matasa. Idan Tambuwal ya koma PDP, za su fuskanci juna a zaben fidda da gwani a jam’iyyar.