Wasanni:- Yanzunnan Najeriya ta lallasa Iceland da ci biyu ba ko daya, dan da kyar!
- Wasan Najeriya yayi armashi! - An tsorata Najeriya zata dawo gida da wuri - Ahmad Musa ne ya ci duk kwallayen
Wasan da aka gama yanzunnan tsakanin Najeriya da Iceland, an tashi ci biyu da nema, inda Ahmed Musa ya zura dukkan kwallayen a raga bayan wasa mai kyau da hadin kai da Super Eagles din suka taka.
An dai dade ba'a ga irin wannan wasa ba a shafin tarihin kwallon Najeriya, watakil tun zuwansu wasan na farko a 1994, wanda marigayi Rashidi Yekini ya jefa kwallon farko.
A wasan kashi na farko dai, kamar Najeriya baza ta taka wani abin kirki ba, sai dai a karo na biyu, kamar an musu allurar kishin kasa, domin sun san in suka dawo gida a haka zasu ji kunyar idon jama'a sosai.
Garuruwa da Unguwanni dai sun dauki sowwa a duk lokutan da yaro maii tashe Ahmed Musa ya zura kwalayen, bayan sun wahal da turawan na Iceland.
A ranar talata Najeriya zata buga da uwar kwallo Argentina.
Created at
Back to posts
Alhmdllh,yan #NIGERIA mun yi matukar farin ciki da wannan wasa,kuma muna fatan mu dauki #WORLD_CUP
Amiin